«Бір ел-бір кітап» Республикалық акциясының қазылар алқасының шешімімен 2019 жылы Қазақстанда жалпы оқуға арналған басты кітаптар болып Қазақстан халық жазушысы Әбіш Кекілбаевтың «Аңыздың ақыры» романы мен Қазақстан халық жазушысы Әбділда Тәжібаевтың(1909-1998) поэзиясы танылды.
Акцияның мақсаты – қазақ әдебиетін насихаттау, қоғамның кітап оқуға деген ынтасын арттыру, Қазақстан әдеби мұрасын зерттеп-білуге деген құлшынысты туғызу, сондай-ақ, жас буынның зияткерлік және рухани жағынан дамуына жәрдемдесу.
Акция аясында, Қазақстан тарихы кафедрасымен бірлесе отырып, дәстүрлі оқырман конференциясы өткізілді. Қатысушылар жазушылардың өмірі мен творчествосы жайлы әңгімеледі, олардың шығармаларынан алған әсерлерімен бөлісті.
Акцияға қатысушы кітаптар қойылған кітап көрмесі ұйымдастырылды.
